Image Ñanqhachir qullanak apnaqirinakar katjiri

Kimsa urunx kunayman chiqarux Qucha Pampanx puriwiyapxtha, ñanqhachir qullanak lurañawjanak t’unthapiwiyapxtha, uka qullanak lurañatak munaski uka yänak apthapiwiyapxtha, k’añaskunaka, pusi jaqiruw katuntawiyapxaraktha sasaw tata Gonzalo Alcobax jichhür arsuwiyi, jupax Ñanqhachir Qullanak Apnaqirinakar Katjir Jach’unakan (FELCC) p’iqichiriparakiwa.

“Ñanqhachir qullanak apnaqirinakar katjirinakax utan jist’antat jakañ utjkipans uka jaqinakar jan walt’ayawiyasipkakiwa, kunjampachs irnaqapxakipiniwa, ukatw juk’amp irnaqañax wakisi” sasaw sawiyi.

Wasürux, aka llamayu phaxsit 07 uru saraqkipanx, Arani markaruw puripxatayna, ukanx mä k’añask katjawiyapxatayna, 600 litro gasolinwa q’ipiskatayna, q’iwirirux katuntawiyapxataynawa. Walürux Totora markanrak jan wali qullanak lurañ chiqx katjawiyapxatayna, pä jaqiruw katuntawiyapxarakitayna. Qhipatx Parotani markaruw puripxarakitayna./RAR