Image Álvaro García Linera Sullka Irpiri / Jamuqa: Sullka Irpirin yanapirinakapan jamuqsuta

Chukiyawu, 2018 maran achuqa phaxsit 27 urükipana (BTV).- Álvaro García Linera Sullka Irpirix “Juana Azurduy de Padilla” sutin yatiqañ utwa Mineros municipion luqtawiyi, Santa Cruz departamentona. Uka yatiqañ utx 7 waranq waranq bolivianompiw lurayapxatayna, “Boliviax Mayjt’askiwa, Evox Phuqhiwa” wakichäwiw ukx churarakitayna.

Luqtkasax La Haya Jach’a Taripañ Utan taripaski ukxatw tata García Linerax arsuwiyi. Niya pusi kutiw Chilix Pacífico lamar qutan uraq churäm sasin qillqat apayani, sasaw sawiyi. Bolivia markan ch’amacht’atap jupax jach’acht’awiyi, La Hayan taripäwin arsut uñjapxatapats jupanakarux jallallt’araktwa, sasins sawiyarakiwa.

Alkul alañatakiw laphinakax rixintawiyata, gasolinampiw apnaqatäni, caña yapuchirinakaruw ukhampix yanapatäni, sasaw yamakis yatiyawiyi.

“YPFB ukaw irnaqañ utanakat alkul alani. Ukax juk’ampis Santa Cruzan Inti jalsut kupituqinkir uraqipan jakasirinakaruw yanapt’ani (…) Juk’amp cañaw yapuchañasa”, sasaw jupa irpirix arsuwiyi./RAR