Image Juan Carlos Huarachi, COB irpiri (Jamuqa: BTV)

Jichhürux mayjaw irnaqirinakan urupax markasan amtatäni, Covid-19 usu jan saratatañapatakiw irnaqatäski ukata sasaw jichhürux tata Juan Carlos Huarachix arsuwiyi, jupax Bolivia irnaqirinakan irpiriparakiwa (COB irpiri).

Irnaqirinakax kunjamas utan qhiparañ tukuyatatx sarnaqatäni ukxatw lup’ipxañasa, kunjams qullqichäw kutitataysna ukxata sasaw tata Huarachix arsuwiyi. Qullqichäw sarantayañatakix markachirinakamp qullqichirinakamp irpirinakampiw mä amtar puriña sasaw sawiyi.

“Akat uksarux kunas ukatat utjan ukaw amuyaña, kunjams qullqichäwix kutitatayasini ukxata, kunjams qullqichañ chiqanakan irnaqkasax jan usuntañatak phuqhatäni ukxata” sasaw BTV ukan arsuwiyi.

Markasan usump jan walt’añaw utjawiyi, utanw qhiparatäski, ukatw paylläw irxatayasiñatakix jan aruskipawiyatäkiti sasaw arsuwiyi./RAR