Image García Linera Sullka Irpiri / Jamuqa: BTV

Jichhürux Alegría sutin yatiqañ utwa luqtawiyapxi. Uka yatiqañ utax Sucre jach’a markan 6ïr distritopan jikxatasi, “Boliviax Mayjt’askiwa, Evox Phuqhiwa” amta qullqimpiw lurayapxatayna, 7 waranq waranq bolivianot jilampi. Uka chiqarux Álvaro García Linera Sullka Irpiriw puriwiyi. Jupax uka yatiqañ utankirinakampiw aruskipt’awiyi.

Ukhamïpanx, tata García Linerax jutir maranak irnaqañatak wakicht’asipxañap yatiqir wayna tawaqunakar iwxt’awiyi, markasanx yatiñampiw sarantatäni, sawiyiwa. “21 patak maranakanx, Boliviax yatiñampiw sarantani. Ukatw aka yatiqañ utax amuy ch’amachañataki” sasin Sullka Irpirix sawiyi.

Uka machaq yatiqañ utanx yaticht’añ utanakamp, química física yant’añ utanakamp, panka utamp, jarisiñ utamp, chhuxuñ utampiw utji. Yamakis 100 yatiqirit jilaw uka yatiqañ utanx yatiqt’apxani./RAR