Image Carlos Romero, nayra p'iqichiri

Carlos Romerox jan mutuñ utan jist’antatäxpanti, utan jist’antat jakxpan, 350.000 bolivian antutayasiñatak churpan sasaw wasürux tata Alan Záratex arsuwiyi, jupax taripirirakiwa.

Chinuqa phaxsitpachw Romerox San Pedro mutuñ utan jist’antat jikxatasi. Uñt’atanakampiw kamachinak t’unjas yanapayasitapjama, irnaqañw jan phuqhkasmachataynati sasaw juparux juchx jaqusipki, Unidad Ejecutora de Lucha Integral Contra el Narcotráfico (UELICN) ukan qullqix jan wal apnaqat utji sasaw sawiyi.

Llikämw taripirinakan aruskipawiyapxi. Romeron arxatiripax jan mutuñ utan jupar jist’antasxpanti sasaw mayiwiyi, ukhamarus taripañatak yatxatirinakax mutuñ utan jist’antasiskakpan sasaw mayiwiyapxaraki. “Taripirinakax arsutanakaw ist’awiyapxi, taripañatak yatxatirinakax anchrakwa mayiwiyapxi (…) Romeron arxatiripast jupax jan taripäw jan walt’ayasaw jupax katuntayasiwiyi sawiyarakiwa” sasaw tata Andrés Zuñigax arsuwiyi, jupax Romeron arxatiriparakiwa.

Janiw utat jist’antatak jikxatasiñapäkiti, janiw 350.000 bolivianok churañapäkiti jan ukax janiw anqa markanakar sarkaspati, janirakiw taripäwin uñstapki uka jaqinakampix aruskipkaspati sasaw taripirix sawiyaraki./RAR