Image Enrique Terán, Santa Cruz palla pallanakan p'iqichiripa (Jamuqa: Llika)

Enrique Terán, Santa Cruz palla pallanakan p’iqichiriparux sinti usutaw qullatäski, jupax COVID-19 usump usuntataw jikxatasi, ukhamarus janiw aynacht’kiti sasaw jichhak yatiyanipxi sasaw tata Rodolfo Monterox arsuwiyi, jupax markaspachan palla pallanakar irptaskaraki. Tata Teránarux wasärmaw wila umamp qullasiwiyi, Qucha Pampatx pä kutimp uka uma uskuñatakiw apayata sasaw yatiyawiyi.

“Santa Cruzan (palla pallanakar) p’iqichirix usutawa. Anchhax UTIn jikxatasi (sinti usut qullayasirinak taypina). Janiw aynacht’kiti sasaw jichhak yatiyanipxi” sasaw tata Monterox Bolivia TV ukan arsuwiyi.

Nayrïr urunakaw tata Teránax COVID-19 usump usuntat uñstawiyi, jan walt’awiyatapatw jichhax sinti usuntat qullatäski.

Tata Teránan qullasiñapatakix yanapt’apxtwa sasaw tata Monterox arsuwiyi. “Wasärmax wila umamp qullxapxiwa. Chharminthix Qucha Pampa jach’a markatw awiyunat Santa Cruzar pä wila umamp apapxi, jan walt’asp ukataki” sasaw sawiyi./RAR