Image Kayuk Sarnaqirin Urupa (Jamuqa: Llikat apsuta)

Evo Morales Jilïr Irpirix siklu apnirinak nayraqatan jalasaw Kayuk Sarnaqirin Urupx Qucha Pampan qalltayani, sata qallta phaxsit 2 uru saraqkipanw ukhamax utjani, sasaw tata Gonzalo Muñozax jichhür arsuwiyi, jupax Qucha Pampanw Pachamaman Arxatäwip Yäqayirjam irnaqaraki.

“Evo Morales Jilïr Irpirimp Iván Canelas (departamento) irpirimpiw jikxatasipxani. Taqi jach’a marka jak’ankir alcaldenakaruw jawillt’awix apayata”, sasaw jupax sawiyi.

9:00 alwataw siklump atipt’asiñax qalltani, Sacaba taypina. Ukatx, Villazón, Ejército, Ballivián thakhinakämw jalapxani. Felix Capriles anatañ chiqanw Qucha Pampan tukuyapxani.

Uka anatañ chiqa jak’anx, nayra anatäwinakaw utjani; piqutamp anatañas, jayllt’añas, thuqhuñas, jakäw yatxapayañas uka pachparaki, sasaw tata Elmer Ortuñox arsuwiyi, jupax Qucha Pampan Pacha Yänakamp Pachamama Arxatañamp Irptaraki.

“Pachamama sum uñxañxat amuyt’ayañax utjarakiniwa. Jaqtat yänak mayamp apnaqasaw ukham amuyt’ayatäni. PET wutillanakaw Qucha Pampa irpirinakan ayrut alinakamp turkatäni”, sasaw arsuñ phuqhacht’awiyi.

Kunayman irpirinakaw luratanakapamp amtanakapamp uñt’ayapxarakini, sasaw yatiyawiyi.

El Prado thakhimpin, Libertador, América thakhinakampinx, niya kipka lurañaw utjani, Qucha Pampa jach’a markana, sasins jupa irpirix sawiyarakiwa./RAR