Buscar

SANTA CRUZATAK WAKICHT’AYAT AMTA

PDF: Proyecto Santa Cruz

"Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’añ Ukhamarak Utt’ayañ" Amta

Apnaqäw, luräw, qullqichäw uñakipañ thakhinak phuqhasa ukhamarak Marka Irnaqäwimp Servicionakamp Utachäwimp Apnaqir Kamana – MISUAK jupanakamp "Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’añ Ukhamarak Utt’ayañ" rixintat amta phuqhasax, aka qhipa yatiyäwwa uñt’ayapxsma; Yänak Apnaqir Utankirinakamp, Wakichäwinak Wakt’ayañ P’iqichirinakamp, Wakichäwinakamp Uñt’ayasiñamp Irpirinakampiw akx wakt’ayapxaraki; ukaw yatiñ wakisiraki:


1. Nayra Luratanaka

BOLIVIA TV Markan Uñch’ukiyañ Utapankirinakax, 2009 maran willka kuti phaxsit 28 urükipanx, Marka Irnaqäwimp Servicionakamp Utachäwimp Apnaqir Kamanankirinakampiw Qullqi Churañ Amta rixintawiyapxi, ukampist “Markatak Munaski Uka Yatiyañ Yänak Utjañapatak Irnaqañ” Amtan jan kutt’ayañ qullqip laqak katuqañatakiw amtata, " Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’añ Ukhamarak Utt’ayañ" Amta sarantayañataki.

2009 maran jallu qallta phaxsit 30 urunak saraqkipanx, BOLIVIA TV Markan Unch’ukiyañ Utapax Marka Irnaqäwimp Servicionakamp Utachäwimp Apnaqir Kamanankirinakampiw Qullqi Churañ Amtar yapxatir 1ïr Phuqhacht’ir Qillqat rixinti, ukampix Amtan Tunka Payanïr amuyup mayjt’ayataraki, ukhamat uka amtäwix 2010 maran willka kuti phaxsit 31 uru saraqkan ukakam sarantañapataki.

2010 maran willka kuti phaxsit 30 urükipanx, Marka Irnaqäwimp Servicionakamp Utachäwimp Apnaqir Kamanamp BOLIVIA TVmpix Qullqi Churañ Amtar yapxatir 2ïr Phuqhacht’ir Qillqat rixintapxi, ukampix 1ïr Phuqhacht’ir Qillqatan 6ïr amuyupaw mayjt’ayataraki, ukhamat uka amtäwix 2010 maran jallu qallta phaxsit 31 urunak saraqkan ukakam sarantañapataki.

2010 maran lapaka phaxsit 22 urükipanx, Marka Irnaqäwimp Servicionakamp Utachäwimp Apnaqir Kamanamp BOLIVIA TVmpix Qullqi Churañ Amtar mayjt’ayañatakiw 3ïr Phuqhacht’ir Qillqat rixintapxi, ukampix Amtan 8ür amuyuparuw e) qillqan amuy yapt’apxi, ukax akham sarakiwa:

e) Amtamp jikxatat qullqx Bolivia TV uksankirinakaw apnaqapxani, kawkïrinakati mutuykas uñstkani ukanaka, Bolivia TVnkirinakaw uka qullqx Amta sartayañatak apnaqapxani, kamisti jichhax kamachinakax siski ukhamarjama.

2010 maran jallu qallta phaxsit 30 uru saraqkipanx, BOLIVIA TVx Qullqi Churañ Amtar yapt’añatakiw 4ïr Phuqhacht’ir Qillqat Marka Irnaqäwimp Servicionakamp Utachäwimp Apnaqir Kamanamp rixinti, ukampix paypachtuqunkirinakaw 2ïr Phuqhacht’ir Qillqatan 4ïr amuyup mayjt’ayapxi, ukhamat Amtax 2011 maran mara t’aqa phaxsit 30 uru saraqkan ukjakam tukuyatäñapataki.

2011 maran mara t’aqa phaxsit 29 uru saraqkipanx, Marka Irnaqäwimp Servicionakamp Utachäwimp Apnaqir Kamanamp BOLIVIA TVmpix Qullqi Churañ Amta mayjt’ayañatakiw 5ïr Phuqhacht’ir Qillqat rixintawiyapxi, ukampix paypachtuqunkiriw 4ïr Phuqhacht’ir Qillqatan 4ïr amuyup mayjt’ayapxi, ukhamat Amtax 2011 maran jallu qallta phaxsit 31 urunak saraqkan ukjakam tukuyañapataki; ukürkamax, Santa Cruzanx, BOLIVIA TV 7ür Kanalax sarantañapawa ukhamarakiw uñacht’ayatapas jan khuchhuqtas mistuñapa, ukhamarus BOLIVIA TVx Amtampin Phuqhacht’ir Qillqatanakampin utjki uka amuyunakw phuqhañapa.

6ïr Phuqhacht’ir Qillqatax Amtan 7ür amuyupan 3ïr jaljapw akham sasin mayjt’ayi: “Qhip qhipa qullqiw churata, churañäki taqpach uka qullqit 10% jilt’ki ukawa, ukatakix yänakamp yanapirinakamp katuqataw nayraqat uñakipasiñapa, Bolivia TVx amtan siski uka qullqimp alañatakix kunjams laphinak rixintawiyi ukwa yatiyañapa”, uka pachparakiw yaqha amuyunakx mayjt’ayawiyapxaraki.

2012 maran mara t’aqa phaxsit 29 urükipanx, Marka Irnaqäwimp Servicionakamp Utachäwimp Apnaqir Kamanampix 7ür Phuqhacht’ir Qillqataw rixintatänxa; ukampix 8ür amuyump 12 amuyun e) qillqan jaljapampiw akham mayjt’ayatäna:

Kimsaqallqür Amuyu:

“e) AMTAMP jikxatat qullqx Bolivia TV uksankirinakaw apnaqapxani, kawkïrinakati mutuykas uñstkani ukanakamp imat qullqimpi, Bolivia TVnkirinakaw uka qullqx AMTA sartayañatak apnaqapxani, kamisti jichhax kamachinakax siski ukhamarjama”.

Tunka Payanïr Amuyu.- (Amtan jakäwipa): “BOLIVIA TVnkirinakaw taqpach AMTA sarantayani ukhamarak yaqhanakamp AMTA uñakipt’ayas yatiyani, 2012 maran qhipa chika marapäkipanw ukhamx lurañapa”

Tanto la ejecución del Proyecto en su totalidad como la presentación de los resultados de la auditoría externa al Proyecto a cargo de BOLIVIA TV, deberán realizarse dentro del segundo semestre de la gestión 2012.

2012 maran lapaka phaxsit 16 uru saraqkipanx, BOLIVIA TVx CITE: GCIA. GRAL. No 834/2012 qillqatamp DPP No. 108/2012 yatiyäwimp MISUAK uksar apayi, ukanx kunjams amtax lurasi, uñakipirinak achikt’añax kunjamäskisa ukanakxatw yatiyi ukhamarakiw mä waruqat laphinakani panksa yatiyäwinakapar yapt’i, uka laphinakax kunjams wakiyäw phuqhañatakix achikt’äwinakamp alañ jaysäwinakamp lurasi ukrakwa yatiyapxi. Ukham lurasax, janir katuqatäk uka 10% amtat qullqwa churapxañap mayi.

2012 maran jallu qallta phaxsit 12 urükipanx, Jayar Yatiyasiñanak Apnaqir Sullka Kamana Utankirinakatw CITE: VMTEL/DESP. No 752/2012 qillqat katuqatäna, ukamp chikax VMTEL/DGSTEL No 254/2012 yatiyäwis katuqatarakiwa, uka taypinst DPP No. 108/2012 yatiyäwir k’umitanakaw utji ukhamarakiw qhanancht’añ yapt’añ iwxanakasa.

2012 maran jallu qallta phaxsit 12 urükipanx, Jayar Yatiyasiñanak Apnaqir Sullka Kamana Utankirinakatw CITE: VMTEL/DESP. No 752/2012 qillqat katuqatäna, ukamp chikax VMTEL/DGSTEL No 254/2012 yatiyäwis katuqatarakiwa, uka taypinst DPP No. 108/2012 yatiyäwir k’umitanakaw utji ukhamarakiw qhanancht’añ yapt’añ iwxanakasa.

14/02/2013 urunx, GCIA. TECN. Nº 0128/2013 Yatiyañ Laphiw uñt’ayatänxa, 19111 Qillqat Apayañ Jakhun qillqataruw (Santa Cruz Amta Tukuyañ Yatiyäwi) akham sasin jaysatänxa:

“Aka jiwaspach yatiyasitamp chikax GCIA. TEC. CITE: Nº 156/11 yatiyäwiw apayata, Rubén Márquez injiñiruw kunjams Urubó Yatiyañ Utan irnaqañ qalltañatak irnaqasiwiyi ukxat qhanancht’i, uka pachparakiw kunjmas Santa Cruzanx utt’ayañax tukuyasiwiyi ukxats qhanancht’araki”

"Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’añ Ukhamarak Utt’ayañ" Amta Tukuyañ Yatiyäwxatx, GCIA. TECN. CITE: Nº 556/2013 Yatiyañ Laphiw uñt’ayatänxa, tukuykasax uka qillqatanx akham siwa:

"‘Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’añ Ukhamarak Utt’ayañ’ Amta sarantayañx Yänak Apnaqir Utankirinakax tukuyawayxiwa, jilpach yänak mayir utjamaw ukham lurataraki"


2. AMTANAKA

2.1. JACH’A AMTA

Santa Cruz departamenton taqpach ayllunakapampitak markachirinakatak askïk uka chiqanakampitak “BOLIVIA TV” 7ür Kanalan uñacht’ayat uñt’ayaña; uka chiqanakatakjam lurt’at wakichäwinakamp, taqpach ch’umi uraqin saräwinakaparjam, yatiyäwinakax taqpachanitak utjañapataki ukhamarak sapa markan saräwip ch’amancht’añatakisa.

2.2. OBJETIVOS ESPECÍFICOS

  • Jist’arat uxinakamp k’ullk’u uxinakamp jaqsur yänak jikxataña, Santa Cruz departamentutpachs uka jak’ankir departamentunakatpachs chiqak uñacht’äw jaqsuñataki, niy taqpach Bolivia uraqpachar uñacht’äw puriyasa.

  • • Santa Cruz departamento ayllunakankk ukhamarak jach’a markanakankk uka antenanakan ch’amapamp mä ch’iqiyir yä utjañapatak amuyt’aña ukhamarak utt’ayaña.

  • • Juk’amppachas ayllunakar, 7ür Kanalan uñacht’ayatapax suma qhan mistkir lakiratäñapatak atamir yänak utt’ayaña, uñacht’ayatamp ist’ayatamp sum uñt’ayañataki ukhamarak yatiyañataki.

  • • Santa Cruz departamentun jakasipk jupanakan saräwinakaparjam ukhamarak thakhinakaparjam, pachpa chiqanx, jiwasan lurat wakicht’äwinak amuyt’aña ukhamarak sartayaña; markan luratapamp, yatichäwipamp, saräwinakamp uñt’ayasa.


3. AMTAN JAKäWIPA

Kunjamti taqpach amta mayjt’ayatanakamp jayapstayatanakamp siski ukhamarjamax, aka amtax 2009/07/28 ukjat 2013/05/21 ukjakamaw sarantayawiyata.

PDF: Proyecto Santa Cruz