Buscar

KUNKI

BOLIVIA TV, Bolivia Markan Uñch’ukiyañ Utapax mä Qhaña Apnaqañ Uñjir Lunthatasiñtuq Irnaqir Utaniwa, uka utax qullqi lunthatasiñ jan utjañapatakiw amtanak wakt’ayi, jan ukhamanak utjañapatak irnaqi, marka yänak qhana apnaqañatakiw ch’amachi ukhamarakiw qullqi lunthatanak amuyasax juchachañatak yatiyi.

ARU QHANANCHÄWINAKA

Nayrt’at yatiyaña. Jan qullqilunthatasiñ utjañapatak wakt’ayat amtanakamp, wakichäwinakamp, thakhichäwinakamp, luräwinakampiw ukham uñt’ata.

Qhana Apnaqaña. Marka qullqimp irnaqapki uka markasatak irnaqir jaqinakan tamanakan qhana ukhamarak sum qullq apnaqapxañap uñji, markasankirinakar ukhamarak anqa markankirinakaru. Uka pachparakiw, jan k’arisis irnaqapxatapamp, chiqpach amuykay yatiyäw munaski ukja utjañapamp uñji, kamachix janiw siski ukakw janixa.

Qullqi Lunthatasiñtuq Irnaqaña. Qullqi lunthatasitaw utji sasin yatiyatanak katjañatak ukhamarak apnaqañatak amtanakamp, wakichäwinakamp, thakhinakamp, luräwinakamp utjki ukawa ukhamarakiw markasan askipatak lunthatasit qullq kutirayañasa.

Jucha Jaqutanak Apnaqaña. Qullqi lunthatasitxat yatiyäwinak katuqaña, wakisiw saña, yatxataña, uñakipt’aña, qhipa yatiyäw uñt’ayaña, taripirinakar wakisk ukj yatiyaña ukarakiwa; ukhamx Taripäw Uñjir Kamanamp, Qhaña Apnaqañ Uñjir Lunthatasiñtuq Irnaqir Utankirinakaw lurapxaraki.

JAN KHITHIMP APNAQAYASIÑA, ARUSKIPAS IRNAQAÑA

BOLIVIA TV, Bolivia Markan Uñch’ukiyañ Utapan Qhaña Apnaqañ Uñjir Lunthatasiñtuq Irnaqir Utapax lunthatasitanakxat yatiyäwinak apnaqkasax janiw khithimpis apnaqayaskaspati.

Qhan apnaqas irnaqasiñapatak, jan walt’äwinakat jark’aqasiñatak irnaqkasax, BOLIVIA TV Bolivia Markan Uñch’ukiyañ Utapan irpiripamp chikt’ataw irnaqata.

LURAÑANAKA

Qhaña Apnaqañ Uñjir Lunthatasiñtuq Irnaqir Utan lurañanakapax 974 Kamachin 10ïr articulupanw jikxatasi, Qhaña Apnaqañ Uñjir Lunthatasiñtuq Irnaqir Utanakan kamachipana; akhamanakaw lurañapa siwa:

  • Jan qullqi lunthatasiñ utjañapatak amtanakamp, wakichäwinakamp, luräwinakamp uñt’ayaña ukhamarak sarantayaña.
  • Qullqi lunthatasitanakat yatiyatanak apnaqaña, yaqhan yatiyatanaka jan ukax jan khithin kamsat yatitanakampi.
  • Irnaqañatakix kuna jisk’a kamachinakamp, amtanakamp, qhanancht’äwinakamp, irnaqañ mayiñanakampiy munaschi ukanak irpirir mayiña.
  • Irnaqatapat sum markar yatiyañapatak Irpirir amtanakamp yanapt’aña ukhamarakiw aruskipt’asas, munaski ukanak wakt’ayasasa.
  • Taqinin yatiskay yatiyäwinak utjañapatak irnaqaña; ukhamäñapatakix, wakiski uka irpirinakaruw taqin yatiskay yatiyäwinak uñt’ayapxañap mayini.
  • Irnaqirinakar taqinin askipatak suma amuyump irnaqapxañap mayiña.
  • Yaqhat yatiyäw katuqas jan ukax jan khithin kamsat yatisax, jan sum qhanancht’as yatiyäw uñt’ayañ jan munatanak apnaqaña.
  • Yaqhat yatiyäw katuqas, irnaqirinakan jan ukax nayra irnaqirinakan jakäw laphinakap chiqat k’arich ukxat yatxatat yatiyäwinak apnaqaña.
  • Jucha jaqutanak apnaqañatak, markatak irnaqir utanakan irnaqirinakar yatiyäwinak chiqak mayiña ukhamarak laphinaksa, ukx irnaqir utanak pachpan mayispa jan ukax anqana.

KAMACHINAKA

  • Markasan Tayka Kamachipa, 2009 maran anata phaxsit 07 urükipan utt’ayasiwayki uka.
  • Mayacht’at Markanakan Tamapan Lunthatasiñtuq Irnaqañ Amtapa.
  • Awiya Yalan Lunthatasiñtuq Irnaqañ Amtapa.
  • 974 Kamachi, Qhaña Apnaqañ Uñjir Lunthatasiñtuq Irnaqir Utanakan kamachipa.
  • 004 Kamachi, 2010 maran achuqa phaxsit 31 urükipan utt’ayasiwayki uka; “Marcelo Quiroga Santa Cruz” Lunthatasiñtuq, Kamachinak T’unjas Qullqichasirinaktuq Irnaqaña, Qullqininakxat Yatxatañ Kamachi
  • 0214 Jilïr Irpirin Amtat Kamachi, Qhana Apnaqañ Uñjañ Lunthatasiñtuq Irnaqañ Marka Amta, 2009 maran willka kuti phaxsit 22 urükipan utt’ayasiwayki uka.
  • Qhaña Apnaqañ Uñjir Lunthatasiñtuq Irnaqir Utan Jisk’a Kamachipa, 2018 maran chinuqa phaxsit 11 urükipan 011/2018 jakhu iyawsäwimp utt’ayawiyapki uka

QHANA APNAQAÑ UÑJIR LUNTHATASIÑTUQ IRNAQIR UTAN JISK’A KAMACHINAKAPA

PHUQHANTAÑ LAPHINAKA

IRNAQÄWXAT TAQINIR YATIYATA

2014 mara tukusit 2015 mara qalltakama

1ïr Jalja


2ïr Jalja


3ïr Jalja


4ïr Jalja


2015 mara tukusit 2016 mara qalltakama